Pasian Cidamna Kam Mal

Pasian sung aa a kidim nuntakna a nopsakpih kha nailo te khempeuh tung ah.

Theih huai thu in, Pasian in nuntakna Kha ahihi. A ma sungah sihna omlo hi. Leitung aa mihing aa a piang mi khempeuh in Pasian hongpiak sa nuntakna hun tomkhat a zang ih hi aa, eite in nuntakna huih dik in a manpha nuntakna ih nei hi. Oh, lungkiatna leh muanlah na a neilo nuntak na bangzah tak in et lawm ding hiam. Lampi dung zui" a etlawm gampalak aa vak hiau hiau" a etlawm pakte leh singkung lopa te mu" Pasian in a ma khut tawh a bawlsa paknamtui te ih dik" ih pumpi tungah cidamna nei" muanlahna leh patauh na neilo" ih lungsim sung aa ngimna nei aa ih kalsuan theih bangzah in nuam a hi hiam?

Late agelh pa in agen bangmah in, gupkhiatna tuikhuk sung pan aa lungdamna tawh tui ihkhai khiat" Topa kongpi sungah lungdamna tawh ih lut aa, a ma huang sungah lungdam kohna tawh ih lut hi ci hi. Laisiangtho sung aa agen bangmah in, “Hehpihna lungsim anei mi in kitatsatlo in lungdam pawi kham ahihi,” tua bangmah in, “A lungdam lungtang in zatui bangin nahoih sem hi. A hih hang in a kisia lungsim in guhtui kangsak hi.” Tua laigelh pa genna ah dahna lungsim in sihna piangsak hi. Topa nasep na in lungnop na, lungdam na leh Khasiangtho sungah thuman na hi cih Laisiangtho sung ah teltak in ih mu thei hi. Tua man in, ama kamciam na sung, a kiling ngeilo, a khial ngeilo kam mal, a tawntung pan a tawntung dongah a kikhel ngeilo, nuntakna a piangsak thu ih up ding a hihi.

Tua te in nuntakna leh Pasian in a ma hu tawh a mopsa kam mal, lamet na leh mawh maisak na kam mal, a ut khempeuh hongpai un cihna thu ahihi. Mimal deidan na omlo, mi khempeuh Pasian bawlsa ahih bangmah in, na upna bang in a piang ding hi. Ih mailam vai ding eimah in ih kehtsat ding ahihi.

Mi khat in akilawm a kituak nuntakna sungah bang ci in nopsa theiding ahi hiam? Lampi khatbek om hi. Pasian in eite launa lungsim hongpia lo hi. Ei te in launa lungsim tawh a piangkhia ih hi kei hi, a hi zong in Pasian kam mal leh eite hong piangsak, hong nungta sak a ma kamciam na ih uploh na tungtawn in dawimangpa kiang pan hongpai ahihi.

Jesu in, “Na lungsim uh buaisak kei unla, zong lau kei un” ci hi. A lungkiat huai nuntakna pan a lawphuai Pasian kam mal sungah upna ih neih ding eima thu a hihi. Ih lung ngaihna pan aa ih lungsim sungah upna hong pian bangmah in Pasian in a ma mi siangthote tung aa a piak Khris lungsim in upna a piangsak hi. Eite in Khris upna sungah ih kipding hi. Paul gen na ah, “Eite in Khris lungsim ihnei hi” ci hi. A hi zongin tua pen suahtakna ih piak ding ahihi. Ih kha sung aa om ngaihsutna lungtang tungtawn in, Pasian in a ma vangliatna hongpia aa, ih lungsim tung tawn in ih pumpi tungah gupkhiatna leh cidam na cih te hong pia hi.

Pasian gam in eite sungah a om bangmah in cidamna in eite sung ah om hi. Tua pen ih neih gupkhiat na bang mah ahihi.

Paul in, “Eite in Khris pumpi ih hihi” ci hi. Tua thu ih telsiam loh man in mi tampi ihmu lai uh hi. Eite in Khris pumpi hi aa mawhna leh natna khempeuh pan ih suahtak na ding in Jesu in nang natna, nang tang aa bawlsiat na leh sing lamteh tung aa sihna hong thuak hi. Nuntakna sung ah Khris pumpi nasuah theih na ding in Jesu in nang tang in hongsi hi cih upna tawh na sanding a hihi. Nang tang in Jesu nang ma mun ah om cih kiptak aa na up hun phet in na natna pan na dam hi. Phawk tawntung ding in, Moses tung tawn aa Pasian ii thu khen na thukham ciamsiat na pen sing lamteh tung ah ki kilh zo hi. Tu in, nang pen Khris pumpi na hih man in na upna tungtawn in ciamsiat na pan na suakta khin zo hi.

Pasian thuciam na leh kamciam na khempeuh in Jesu tung ah ahihi. Tua te Jesu sung aa ih upna tawh ih sang hi. Tua ih upman in Khris pumpi ih suak aa, tua in a ma kamciam thute ei aa hong suak sak hi. Theih ding thu in, eite upna in ih theihna hi aa, tua pen Pasian kam mal tung aa kingak na ahihi. Pasian kam mal in Khris lungsim a hihi. Upna in Pasian kam mal zakna tungtawn aa hong piang hi aa, Khris upna in ih lungsim tawng sukkhak na ahihi. Eite in gupkhiatna ngah, cidam zo cih ih khuak sung a theihna ciang bek tawh upna pen khemna a thuak, a gam mang ih hihi. Tua pen ihkha lungsim tawng sukkhak na ahih kul hi. Mi hing in a lungsim sung aa upna tawh thuman mi, dik tan na ngah aa, a ma ngaihsut bang in a mah a piang hi. Jesu in, “Muan lah na om lo, na lungsim sungah na upleh na nget khempeuh na ngahding hi” ci hi. Cih tak na tawh ki ap na leh Pasian muanna tawh sepna lo in na lungsim ah upna taktak na neikei ding hi. Tua man in gamtat na omlo upna in a si hi. Sepna in Pasian hehpih na na muan lam hong ki lang sak ding hi.

Na muhna, na zakna, na ciapna, a gimnam na zakna, na pumpi tung aa na thuakna te zang aa dawimang pa hong netcip gawp na pan in, an ngawl aa thunget na tungtawn in na sung aa om Khris upna in suahtak na ngah hi. Dawimang pa nang sungpan aa a ki hawl khiat khit ciang in a tung aa lampi namnga te tungtawn lo buang, na upna hong nawngkai sak na ding dawimang pa na sep theih na lampi dang omlo hi. Tua thu tel theih khin ih hihman in, Pasian in eite hong kamciam na ih zak na tungtawn in ih upna picing sak ni.

Ka Pasian in a ma vagliat na tawh kipawl huahna a om mah bang in, note sapna khempeuh Khris Jesu sung ah hong kicing sak ding hi. Na phawk ding ah, pumpi taksa aa ding in, sum leh pai aa ding in, kha a ding in, a vekpi Topa’n hongpia ding hi. Topa’n, “Kei in na mawhna khempeuh hong maisak leh na natna khempeuh hong damsak pa ka hihi” ci hi. Na tel ding in, Topa’n “khempeuh” ci hi. “Na natna te uh note sungpan ka hemkhia ding hi” ci hi.

Pasian in nuntak na leh tua sung aa hoihna khempeuh a hihi. Tua ahih man in cidam na, gupkhiatna, lungdam na, nop na leh huahna te in Khris pumpi aa ding ahih bang mah in, nang in Khris pumpi na hihi. Jesu in, “Note’n nuntak na na neih na ding un kong pai hi” ci hi. Tua pen Khris upna leh Khris lungsim hi aa, tua tungtawn in a ma hoihna hong luangkhia hi. Paul in, “A Tapa tawh na khempeuh hong piakhawm lo in om ding hiam?” ci hi.

Dawimang pa kha in sihna hi aa, Pasian galpa ahihi. Laisiangtho sung ah sihna in mawhna hang in hongtung hi cihi. Sihna ii ngeina in launa, dahna, lung neu na, pa tauh na, gentheih na leh natna hi aa, tua te pen Pasian gal a hihi. Khris in tua te lehdo ding in hong pai hi. Tua sung ah, nat gual natna, mit tawt na, cithak natna, cisa natna aa ki pan natna namkim hi. Tua te sung pan nang hong ki tankhia khin zo hi. Tua khem peuh in thukham nuai aa ciamsiat na a hihi. Nang pen hehpih na khut nuai ah na om hi. Eite tang in Khris in ciamsiat na thuak zo aa, a ma pumpi mahmah singlamteh tung aa sihna tawh eite hongtan khia zo hi.

Leitung aa a ki thei kha ngei natna khempeuh in mawhna hang ahihi. Tua mawhna in Pasian kam mal uploh na hi aa, Evi in tua mawhna na bawl hi. Upna a hilo peuh mah mawhna hi. Tua uploh na hang in Adam in mihing khempeuh mawhna ii ciamsiat na nuai hong tunpih hi. Jesu Khris in tua ciamsiat na pan in upna tawh hong tan khia hi. Adam sung aa mi khempeuh a sih hang in, Khris sung ah mi khempeuh in upna tawh nuntak na ngah hi.

A mah in thu (Jesu) pia aa, a maute damsak hi. A ma kam mal (thu) tung aa upna in tua kam mal nuntak na nei sak hi. Eite in a ma kam mal, mi khempeuh te simtheih lai, Pasian kam mal, nuntak na ih suak hi. Eite in a ma kam mal tawh pumkhat ih suak aa Khris pumpi ih hihi. Pasian sung ah cinat na omlo hi. A ma liam ma te hang in damna ih ngah zo hi.

Khris ngeina in na sungah om khin hi. A maute in tuu no si hangin ahi zong in, amaute teci pan na hang in ahizong in dawimang pa a zozo uh hi" kamtawh pulak na, kam mal leh sepna tawh, Calvary aa Topa gualzawh na hang hi. Na lungsim khempeuh tawh Topa muangin la, nang theih na tung ah kinga kei in.

Eite ngaihsut na khempeuh Khris ih ki uksak ding hi. Ei lungngaih tawm na, lau na leh uplah na te hemkhia in, Pasian gal ahi ci leh sa ngaihsut na te paikhia ding hi hang. Pasian in ama kam sung pan aa pusuak a kammal en khong lo ding hi. A ma kam mal a tangtun dong in kem ding hi.

A ma liam na ma te hangin eite ih dam khin zo aa, Topa’n maitang deidan neilo ahih man in, muhna tawh kalsuan lo, upna tawh kalsuan le hang, na upna in nang hong damsak zo hi cih ahihi.

Pasian in a ma kammal sung aa hong gen na ah, “Ka it mi aw, na kha in nopsak na a ngah bang mahin, ma khempeuh ah hauhna leh cidam na na ngah na ding thu ka ngen hi.” Cidam na sung aa na nopsak na in kha nopsak na sungpan hongpai ahihi. Hauhna leh vangliat na hongpia pa in na Topa ahihi. Tua ahih man in, tu aa Topa hongpiak na hauhna te a ma nasep na sungah a tawntung kimang ding aa na zat ding ahihi.

A taktak in, na ci natna khempeuh bei khin zo hi cih um in. Topa gual lel ngei lo hi. Na up takpi leh, na upna in na pumpi uk ding aa, thuman leh gamtat na tawh hong ki lang ding hi.

Pasian in eite hong paisan lo, hong nusia ngeilo hi. A mah gual lel ngeilo hi. Ih uplah man in a mah ih taisan thei zel hi. Lungsim patau lo in, upna tawh ngen in Jesu’n ci hi. A ma sungah ih lungmuan na in, a ma mintawh ih nget nate ih ngah hi. Ih lungsim in eite hong mawhsak kei leh a ma sung aa lung muanna nei ih hihi. Paul in, “Mi dangte leh Pasian ka khasiat sak loh na ding in ka kidawm tawntung hi” cihi. A ngen khempeuh in angah uh hi” Laisiangtho in ci hi. Jesu in, “Kei min suang aa na nget khempeuh uh ka hih ding hi” cihi. Tua pen vantung aa om Pa minthan na ding cihi. Na nopna uh a kicin na ding in thungen un. Na natna leh na dahna te a mahin singlamteh tungah a ma pumpi tawh thuak khin zo aa, a ma liamna ma hang in na damzo uh hi. Jesu’n, “A zozo hi” cihi. A ma’n na natna te hongthuak sak khinzo ahih leh, dawimang pa khemna hang in bang hang thuak kik kik ding na hi hiam?

Na ciapteh ding thu in, upna ih cih in Topa tung aa na ngaihsut na leh lungsim khempeuh tawh ki bup ap na ahihi. A ma kammal upna in nang ngaihsut na leh gim leh tawlna te nial na ahihi. A ma hong kamciam na te tungtawn aa a piangding hi cih ngaih sut na in, a hilo lam ngaihsut khialh na pan in lungdam na, cidam na leh hauhna lampi ah hongkha ding hi. “Na lungsim uh bawl thak in, na lim uh na ki lamdang sak un" a siangtho leh Pasian deihna tawh kituak in na pumpi uh Pasian tungah na pia un.” A mah in ih siampi pa hi aa, na thuakna leh damloh na te hong theihpih, na lungtang sung ah mawhna ih pulak bang aa hong thumsak siampi pa ahihi.

Gupkhiat na ngah na ding in kamtawh ki mang aa, diktan na ngah nading in lungsim tawh ki um hi. Na damloh na khempeuh, na natna te leh gual lelh na pan in mawhna pulak in, upna tawh sang inla damsiang na na ngah ta in. Pasian in thupha hongpia hen cih ka thunget na ahihi.

Lai gelh Rev. George Leon Pike Sr.

Founder and first President of Jesus Christ’s Eternal Kingdom of Abundant Life, Inc.

Topa Tungah Sianthona

Hih lai pen man ngenlo aa ki hawmkhia hi. Na deih beh aa, na hawmkhiat sawn nopleh a nuai aa mun ah laikhak in ngen in.

TED9908T • TEDIM CHIN • GOD’S HEALING WORD