Lungnak Thu
A masa chem hen hi mi chabu te reltu tla rang ah kan deih na ding ka duh mi chu, Kristian na si ma? ti hi a si, Kristian chu Krist hawi te hen um tinak a si. Krist a dam liau ah thil a ti mi hawi hen thil na ti bak ma? Krist chu a dam liau ah khuri nih a nehwawh na mi zaw zawng damh na hen leh thil tha tla ti hen a kal vima a si. Na dam liau ah na nungnak mang hen na tum mi zei me si? Na thiltum chu a dik phawt ding a si. A si lo leh thil dik lo ma na tum, zeikhawm sise le, thil tha ti ding leh thil thalo ti ding chu nangmah thu a si. Na thinlung tumnak chu in leh lo tha nei ding, motor tha nei ding, leh bank ah tangka tamtak siahding mi ma a si? A si lo leh laikulh ah lalnak, neih leh siahnak leh minthangnak cho ma na tum? Duhtak, hi mi hi duhnak leh chawnhnak daran tak a si. Laikulh ah lalnak rokual tak, minthang nak rokual tak leh minei chem na si le, hi bang tla hi a vei leh a tlau chawlh ding mi cho a si. Baibul ah Lalchem Solomon hi gang thil zawng zawng a nei hep le, sikhawmsel Pathian nih sawt lo te ah a tlau leh a vei ding cho an si a ti. Pathian siherhnak tawng cho hi zangzal ro tak a si. Laikulh nangnak lak ah finghnak leh thiamnak sang tak tla hi zeikhawm a si lo, laikulh ah a tlau leh a vei chawlh ding cho an si. Theih kumza ding mi zeikhawm a um lo.
Mailei rang ah timhtuahnak thu kan sim hen, mailei a zei ah aum? ti a deih sele. Pathian sin ah a um ti a si lo ma? Lalchem thinlung chu a kut tlun ah a um le tipi ti tla hawi hen a duhnak zawng ah a thek tham tawn ti Baibul nih hawng kan simh a si. Pathian lasui bu nih a sim mi hawi hen, thil tha leh thil sual a siam a si.
Pathian lo hen chun laikulh ah mailei lungumnak zeikhawm a um lo a si. Veikhat chu pastor pakhat sin thu ka sim le, a mailei thu ka ruat pi a si. A nih ni chun inthar sak a dih ka hen Pathian riantuan ding a tum a si. Sikhawmsele chu mi liau chir ah chun a fa pakhat chu a in kiang mi rili ah a tla le, a vei chwlh a si. A tir thawk hen Pathian sin ah a neih zaw zawng leh a mah khawm a pum pek se le a tha dauh ding mi kan ti a si.
Zankhat chu kan pumhnak ah mi thlarau tlau tla rimtir ding hen Pathian Thlarau nih rian a tuan liau chir ah mi pakhat a hawng a pum bak le, ruangsuaknak thu pawm bak ding hun thatak a tawng a si. Sikhawmsele, Lalpa Jisu Krist chu ka ruangsuahtu a si ti a pawm duhlo le a el thlo a si.
A thaizing sun ah mithi topi tu tla in khat dil hen in pakhat ka muh le, ka va kai le, ka zauh lam chu, tungkhawng ah mithi ruak an zau tir mi mel ka muh le, mazan ah pumhnak ah Lalpa Jisu pawm duhlo tu kha a si ving a si. Pathian nung lung ding a duh lo ka hen a thi le a vei chawlh a si. A mailei rang re reng ah a timhtuah lo. Pathian lung lo thlo hen a thi. A pawi a!
Chun kan pumhnak dang ah mi panih kan pumhnak ah an to mi sin ah Lalpa Jisu chu nan Ruangsuahtu a si ti lung u, ka ti le ka ngiar chiam na. Sikhawmsele an duhlo an el thlo a si. Pumh bang sawt lo te ah an panih hen an thi a si. An sin ah zungzal nungnak thu pawm ding hen ka ngiar chiam na mi hun sung tak pek an si, sikhawmsele an duh lo le an vei chawlh a si. Pathian lo hen thih chu mailei lung umnak re reng a um lo, vei chawlhnak a si.
Misual tla lak ah remnak re reng a um lo ti Baibul nih hawng kan simh a si. Minei na lak ah dawng kholo mi tihnung kai rihau a um a si. Kan duhtak tla ri leh rai vei hen, leh fem hen tihnungkai lak ah um kumza mi nungnak tla chu lungkham thungai an kai a si. Neih leh siah ding karo kan dawn hen, kan hawikawmh siatnak ding karo kan dawn hen thil diklo tla kan ti mi chu nungnak tha a si lo a si. Sakhua perpetnak thu dawn hen, nisiar a san siam hen mah leh mah a perpet hen, lungnak ke nei ti a sim le mang khawmsele, lungumnak kan thinlung ah a nung ta tak lo chun nungnak tak nan ti kho lai ma?
Kan hawikawmh sin ah kan riantuannak thiltum thuk tak chu thudik sim ding, diknak hen kawmh ding leh unau tak dawtnak nei kumza ding a si. Pakhat leh pakhat kan a umsan tawnh mi kan si. Pathian nih hi hawi ding hen hawng kan siam mi a si.
Cain nih perpet duhamnak ruang ah Abel a thah a si. A thah mi pa chu Pathian nih lawmman a pek lai. Pathian lasui bu thu nih mi perpe neihnak tla chu dam ko bu hen a chat lai le, a dawnghnak ah chun mi a a si lai.
Midang nih an luah mi in tha leh an neih mi thil leh ri tha ngarh salam lah. Minthangnak leh lianh leh sangnak tla dawn hen ngarh lah, sikhawmsele mi a zauhkhenknak in tla, T. B. zauhkhenhnak Hospital tla, khuapi ah vandauinak thu leh siat leh rawknak thu nisiar hen thawng thang bu nih hawng kan simh mi sut dauh rawh. Hi bang lawksawngnak tla leh tihnungkai tla hi nungnak chang tirtu a si lo. Nungnak sang dauh ah chun lawmnak, remnak leh repnak a um a si. Pathian riantuannak nih hi bang thil tla hi hawng kan neihtir kho cho a si.
Kumza bi tamtak liau ah kawhnak ber ni khan, tusun ni tiang ah nang leh kei rang ah hawng kan kawh a si. Laikulh siamtir thawk hen Pathian riantuantu tla nih Pathian fa le tla sin ah thu an sim mi tla chu Pathian aw-hau a si. San kal vima mi lak ah Krist ruangsuahnak aw-hau chu a hawng au vima si. Veihnak tlung lo ding hen, Noah san ah, veihnak tlung lante ah ngiarnak a um. Krist dam liau san ah, Jerusalem rawknak vanduainak rapthlak tak tlung lan te ah ngiarnak a um. A lan ah thuthang lak ah chun tuknak kari lak ah a chuan hen India mi tla an do le, nehnak ni a hawng um a si ti minung sin ah sim a si. Tu liau khawm ah chu mi aw-hau ber chu laikulh ah A Thu lunglotu tla sin ah simpiaktu leh ngiartu a si. Duhtak, ka nan deih awt, minung dawnruatnak salam leh vantlang nuamhnak salam herhtak hen, rim ding he hi kawhnak hi zeirang ah kan muithlurh lo?
Krist nih hun dawnghlei kang ah chun mi a putso mi tla, mah kawngka cho dawntu tla, mithalo tla, Pathian zangfah ngak hen mah a zangfah dauh tu tla an um lai a ti. Paul nih hi bang tla thil ti lak ah hin laikulh dawnghnak a um lai a ti a si. Nan lak ah mi tamtak chu thatlo tawt hen Pathian ngaihsak lonak thinlung put hen Satan mangrua an si lai. Thil zei zawng a vei hep lai le, laikulh a kang hep lai ti theih a wi. Peter nih Pathian ni hawng tlung ding mi lung um hen, thu thianglim ruat hen a mah lei zauh hen kan a nam awt lo ma? Van ram chabi a pek mi Peter ber kha Penticost ni a hawng tlung hen a dir le thu a sim, chun a nih ni chun san zaw zawng mikip rang ah ruangsuahnak inkhar a awng rawh a si. Mipi sangthum an suakthar rawh a si. Tu liau ah laikulh minung milion zanga ngak hen tam nih laikulh kan luah khat rawh mi tla lak ah hin mi zei zat nih Peter thusim hi an lung?
Kawhnak sangnak chu rim ding, sual tla ngaihdamnak ding hen Jisu Krist min hen baptisma chang ding chun Thlarau Thenhlimh pek mi hi nan tawng lai. A tiamh mi kha nan nih rang ah khawm, nan fa tla rang ah khawm, lat tak ah mi zaw zawng rang ah khawm, Lalpa kan Pathian nih a sin ah a kawh mi vial tla rang khawm a si. Hi mi a kawh mi tla lak ah hin na tel bak ma? Baibul nih mipi tla chu mifial tla thu an lung le, ruangsuahnak lam dang re reng a um lo ti an theih kum za a si.
Thil ti tla ruang ah si lo hen, lungnak ruang ah zangfahnak hen ruangsuak nan si, chu lo chun mi an na khawng lai, chu chu Pathian thilthawtpek a si. Peter nih Thu a sim mi chu an theih le an lung. Thu theihnak ruang ah lungnak a um mi hawi hen, Peter nih Thu a sim mi chu an theih le, e-aw ngai tak hen an lung a si. Churawh chun Thlarau Thenhlimh baptisma, zungzalnungnk Pathian Thlarau, ruangsuahnak leh thawknawlhnak thilti khonak an tawng sawm a si.
Pathian nih Abraham sin ah a tiamh mi kha, chu thutiam chu Lalpa kan Pathian nih a kawh mi tla zaw zawng rang a si ti Peter nih a sim ka hen Penticost ni ah Krish thu chu a tlung kim a si.
Hawng kan kawhnak leh hawng kan thimnak thu chu theihfiang ding hen a mah ber nih hawng kan simh a si. Pathian theih mi murui lak ah kan um bak ti zeitin kan theih kho lai? I Peter 1:2 nih Jisu Krist thisen buaihnak ruang ah leh Thlarau nih thenhlimhtirnak ruang ah Pathian theihnak mang hen thim kan si ti hawng kan simh a si.
Pathian nih nungnak leh Pathian mi sinak thil zaw zawng hawng kan pek le, rokualnak leh felnak rangtling ting ding hen hawng kan kawh le, kawhnak sung tak leh rokual tak chu, laikulh duhnak nawmtam thawk a suak hen. Pathian nunchan ting ding hen hawng kan tiamh a si. Changnganak ah chun taimak suah thlir hen, kan lungnak pungtir ding hen fel nun ah fel singsuannak. Theih nun ah theih singsuannak, dawnh khonak nun ah dawnh kho singsuannak. Pathian ngaihsaknak, leh unau siherhnak diktak hawng kan simh a si. Hi bang thil tla hi nan lak ah a um a si chun, thingpangsia leh rah lo nan si lai lo le, sikhawmsele, hi bang thil nei lo tu le chu mitchaw leh sualnak li tla lak ah an um kumza rih a si.
Zangfahnak nih chun a tuar ra ram le, vel a nei a si. Mi tthil a ngarh lo, a khawng lo, mah kawngka cho a ruat lo, a thin a tawi lo, thilsual a dawn lo, diklonak a dawn lo, sikhawmsele thudik a lawmh le, rahsuah ding hen a lung um tthlir le, thil zei zawng a tuar suak tawn a si.
Kan Lalpa Jisu nih Kristian chu a rah lak ah a lang a si a ti. Unau tla kan zangfah na ruang ah thihnak thawk hen nungnak ah kan lut rawh a si. Pathian chu zangfahnak a zi. Zangfahnak lak ah um mi le chu Pathian lak ah um mi an si. Thlarau rah lam chu zangfahnak, lawptlonak, remnak, dawnhkhonak, velneihnak, thatnak, zumhkainak, mitangdawnhkhonak, leh sumkhonak tla a si dauh chu hawi kalh kang hen dan thupek re reng a um lo a si. Hi bang tla hi nan nungnak lak ah a um chun, kawhmi leh thim mi nan si. Mireplo tla nih Pathian ram an luah kho lai loh ti nan theih lo ma? Perpet hen um lah u, duhmang tla, ruksawnhtu tla, tangdangpawmtu tla, mifirtla ngarhtu tla leh zuri tla chu Pathian ram ah an lut lai loh. Mifial Paul nih pakhat leh pakhat a perpet lah u. Thusim thlir ule, zumhkaitak hen um u, nun a simhtawnh ule, sintirnak dik lak ah tuar ra ram hen a fawrhtawnh u. Sintirnak dik an ngai duhlo tik a tlung lai le, an mah duhnak kang chiau hen an kal lai. Thudik chu ngai duhlo hen an na a za lai le, thudik an her tak lai a ti.
Mi au zawng nih thudik lo an sintir hen mawh, Pathian thudik an sintir lo chun a mah lak ah thudik theihnak leh diknak a um lo a si. Midik re reng an um lo pakhat te khawm an um lo ti thu hawng kan simh a si kha. Sawra tla hawi hen lam dik lo lei kang ah an pial ver rawh, thudik an her tak le, an mah duhnak chiau ah an kal rawh. Kan diklonak ruang ah dukre hen vuak hen a um le, an nehsawhnak tla chu kan mah remnak leh damnak a si. Lungnak thu mithenhlimh sin ah le lim a si mi chu, nan sin ah ka sim a si. Tuah Lalpa Jisu Krist lung le, ruangsuak mi si rawh. Pathian nih mal an sawm she ti hi ka thlachamnak chem a si.
Rev. George Leon Pike Sr.
Founder and first President of Jesus Christ’s Eternal Kingdom of Abundant Life, Inc.
Holiness Unto The Lord
Hi thuchah thu hi a thawt hen then ding hen sut a si. A Tang ah a kuatnak mun a rin mi sin ah khin na duh zat zawng na deih chun na tawng lai.
BAW9915T • BAWM • THE FAITH