Aiyuun-Alopet


Ibore yen sodit akoto eong aingit yesi lu isiomete apapula na nges yanita ebe, irai ijo Ekristayot? Akirot Ekristayot apolouke aputoor Kristo.

Iswamai kereka ijo iboro lu abu Yesu iswamai ejai akwap ne? Abu ngesi kolosenenei iswamai nu ejooka itingaleunenei kere lu eticanete ajokin. Inyobo ibore epol noi kaijar kon? Erai idiopet koboro kaluta: Ere loajokan noi, emotoka, ikapun arai bonat agwelanar, apolou, ajena, araibo apedor kakwap kana? Opapero eraasi nu kere nu mam ibusiak kamakec bonik.

Ajaatar Ekabaka Solomon kede iboro lukere konye abu komaiki kere aputosia. Adumun aitimio kane ejai Edeke nges ibore bon edolit yen da eyangaikini apak. Karaida aisisia Kiton Bulaya, erai bala aputo tai, naarai iboro kere akwap ewoliorete katipet, ido emamuni ayitun kidiobore.

Ibus aitemokin aijar kon aidaria akiro nu Rwaru iswamaunos. Konye aibo ejai rwaru? Emamei kereka kane ejai Edeke? Epedori aijulakin etau ekabaka, kwape epedoria, kwape da eleliata akipi kocilana luitetiak. Edeke nges abu kosub lu ejoka kalu eroko da, kojaasi kere akanin ke. Emamei ejautene loajokan ka akwap ana karaida kangin kana ebunit karai imamete ijo ka Edeka. Abu eong enerakinos kekalimonokinan eijiri kanui - ‘kamunitos ejautene K’akwap kana. Etemonokini ngesi aijaanakin Edeke kedau aitac eketogo. Konye nepeeyapiei angetakin aitac, kebu ecor lope ejai cut eiduny ere komudia ikekoku. Mam ti atwanare ikoku erononoi karai kodaunite ngesi aipikakin iboro kere (Ere ka ekale dakere) akanin Edeke.

Abu bobo etunganan ece da kobu ailipasia kosi adiope kuar. Aso koany, kojai Emoyo k’Edeke enyarai aijar itunga aitironikin. Aponi kijaikinai etuan lo apak acamuni aitajario, konye abu kogir. Apaaran na atupakini abu eong kalot ore ediopet lo ajai aibworo, isawan ikanykape. Ikatunga abu aumok, aanyun etuan lo lopelo ngesi atakani erete asaduku kanaa eperikitoi keringa edakakina atesi ke. Kebu atwanare kodolok ngesi kaatipet akaulo einger Edeke. Mam da ngesi etemokino kanu ejautene lo rwaru ebuni.

Kailipasit bobo ace, abu eong anyarau ikiliok iarei acamun Edeke, konye kopotu kongero: atipet akaulo angipekangin apotu itunga lu iarei Kotwaka. Kwape edisiar apak, ti alimonok nu ipu nu adau eong elope aanyun iswamanakinos ngul lu angero Edeke, siri iwomit ebe ibuni adumun adio jokis rwaru.

Emamei cut ainapakina kana ejaasi ngul lu ecanicanak. Ejai da aruo na erono tai na elomanari akii kalu abarak na emamei esange. Erono aijar na eyongitere, arai bo aijar na epolor adeka, aibangibanganut, ka atiokisio ace de kere kakwap kana.

Aitaritoi ka amomotoi, atamit aiku amamus kikapun, Kosodi angatario kiboro lu kidau apak epol itapasitoi adumun, angar ka aitican lucetunga wok, agwelanar naaronon, nuu kere mam eraasi aijar na ejok. Aijar naka edini neda etubitere ejose, aingalangal bonik ka bonik. Ngin paaran aswam iboro kaacoa na ekotore abenyu, ajaute aiyuun ka amuno nu mam elomunito kotauono wok. Ipedori kereka ijo anyara iboro lu kere aijar na ejok?

Aijaanakin luce tunga ti erai na iswamao ka abeit ka awomowom nape ibus nabarai kirai oni engaranakinak bonik. Edeke ngesi abu kosub eipone lo aidaranar. Kirai oni edarak iinacan wok. Abu Keini koyar Abel naarai mam akoto araut ekedaran oneceke. Abu kiswamau nu naarai kejaasi kede eimiel lo epuda iboro koraasi luke bon. Ebuni Edeke airop ngini-tunganan kotupite eipoine, lo iswama itunganan ngin iboro akwap ana.

Ngol loebari koipone kalo erono eponio akeijar atubor kokiding naka aparasia ke ido kangetakinet eraun kwape bala ebang. Siri iwomit bon ebe aijar na ejok edumakinio oreria lu ejooka, onapene lu etiai, omotokan; siri iwomit apolou, ajena Karaibo ajakanut aijar kon. Aso Koany nu iswamasi Kade Kesia ibangiok, kadekesia kanu elwera, (TB) kadekesia ace kere, iyemuto luka ngin paran lu ejaasi apupeta, ka atiokisio kere nu aijar nu iswamasi oreria lu epolok (towns). Iboro lu kere nepepe ka akurian ka angar ka anyunyura ka amamus amunonut na idila itodunete ebe mam aijar itunganan eriakasi kiboro lu Kakwap kana.

Ejai aijar na ikeikina naka aiyalama, ainapakina ka adolit kere. Aijanakin Edeke nges eyangauni aijar na. Eporoto ngopengol lo enyarai ikaru kere nges eringa inyarai ijo ka eong da. Erai eporoto K’Edeke kalimonokin naka ikedwe lu ingaingaitos itunga agear kolo akwap asubunio. Abu eporoto ka Kristo Ikeun ne ajaasi itunga katurio nu atuborosi, Abu da kingaingaitoi kaparasia nuipu eringa amudiaro. Abu ingaingaitoi kaparasia ka’Kristo, eringa atiokisio nu ipu etakanyikina Yerusalemu. Kobu eporoto lo kinera ne ajaasi itunga kwape atamitotor kesi ejie ikwamin lu aijar ana, ka alosit kec nakos na apotu kesi koloto edumununete akwapin, aswamisio kec da nu kwana eraasi bala awaragasia nu ikaru alu atuborosi.

Aso agear kolo kiton kwana da epuposi akiro nu aiyapara nuka egalilayat kangol lo teluna loda ajaasi ka aijar naka ican na erigao kanuka jo ka eong. Lolo ingangaitoi eporoto lopelo ingisit akwap na naekotore apugan opolokite iboro kere kaitunga da adepar Edeke.

Ikatuan engisi eong ijo aingiset; inyobo mam oni kipupunio eporoto lo inyarit oni aitironikin? Aibelokin kotoma ayongit lu mam engatasi apolou kakwap kana? Abu Kristo kotema ebe, aturi na naka wasia eraun na egogong akwesi, amoote nukec bonik, amina awat kec bon adepar Edeke. Kobala Paulo ebe lu kesi itunga lu eponikinete awasia akwap. Lu ipu kayesi, idautu amunar awomisio kus, ido mam bobo ipupete idio bore naarai idautu aijaikin awate kus ne ejai Satana aswam ngun kere nuarokok nuka amuton. Abu Petero kingit ebe, itunga lu nyoka ibusakinit oni araut kotoma aijar nakalaunan naka Edeke, kwape ijenia ebe iboro kere akwap eponio anyamar. Kosodi akwap da eponio aicweikin kwape kisesenia abunere naka aparan naka Edeke ka aisinyikokit da?

Abu bobo Petero lo aponi kijaikinai ilaceta luka ajakanut kobwokaparan naka pentekost nada agearor ekanisa (akwan naka Kristo) ido kongaa ekek kanu aturio kere alomar. Apotu ilukumin iuni kolomasi aparan kangin. Kotoma otunga ibilionin iwongon (4) lu ejaasi akwap na lolo, imwasi ai lu apupokinete akiro ekengarenon kalo kwape inenar eporoto ka’Kristo kaitukuke, mama ajaasi aturio kere? Anyarao ne erai irai oni ngul luseuna lukolo obu Edeke kodau aseun kaijene ke? Irai oni terere itironikin, kibatisai kokiror loka Yesu Kristo, kanu ailotario naka aronisio, akaulokangin idumuni ainakinet naka Emoyo lokalaunan nabarai erai ainakinet ngin nakon, kidwe kon, ka luipu da kere lu ebuni ejakait ewoko’Edeke anyaraun.

Ebala ebaibuli ebe, apotu itunga lu kiyatakisi kangin paran apupenen aisisianakin ikiyakia. Emamei da bobo ece’rot lokitajarere ijo dimarai kotoma Kristo Yesu. Kitajario ijo kanuka asianut mere aswamisio kon, tetere emamei etunganan lo epogakin naarai erai ainakinet naka Edeke.

Apotu kopuputu akirot kwape alimonokina Petero; Kiyuutu akirot, ido aiyuun na da ebuni akaulo apupun akirot abu koloma aijar kec kanu kesi arimar akirot naka Edeke na abu Petero kiner. Apotu da atipet kodumutu aibatisao kotoma Omoyo lokalaunan, Emoyo Edeke loka aijar naka ikaru kere, aitajario ka agogong naka aipikor atwanare. Abu Edeke itodolik aisumunet na abu ngesi kijaikite Abraamu kotoma Kristo kapaaran naka Pentekost, kwape alimoria Petero ebe, “Na nges aisumunet mama ejaasi ngul kere ebuni ejakait ewoko’Edeke anyaraun”.

Ilimokitai oni aitetemonor anyaraunio ka asewunio wok tetere esalakini egogong. Ikwaikini oni ai ijenuni ebe luseuna kwape itemokitor kolo aijene Edeke, alaunite naka Emoyo ka ailosio kotoma awokot nuka Yesu Kristo. Idau Edeke aijaikin oni iboro kere luka aijar ka alaunit kere, ido adau anyaraun oni, toma aijar ka awomit najokan.

Idaun aijaikin oni aisumuneta nu ejooka, Kopolok da jokan noi tetere kotoma kec ibuni aimor aijar K’Edeke, naarai kidau aiku aronis naejai akwap, kanu emiel loka akwan. Ikokoron ikany ebalasi ebe; ibus oni ainyikokit, aiyatakit, aiyuun wok awomowom na ejok, neda aiyatakin acoa, toma acoa da aiyatakin aiyapara, toma aiyapara da atitingu, atiting da alaunit, alaunit da asianut da einacane, toma oinacene da amina. Arai ejaasi iboro lu mamakus mam iraunos irakanik, karaida luemamei araito, konye ngol lo emamete kiboro lu emudukana; mam da epedori angoliar nelwana, emurwoki ebe keponi kolo kilotunia kotoma arokisio nu mojong. Amina ecamunit aiticanio adaun apak eoja, ido esiana mam imiela, mam epoga, mam isugusuga, mam iswamai nu mam adolit, mam ekoto nekebon, mam enyunyurikin tai, mam ewomowomoi adioronis, mam iyalama kotoma adiakar, konye iyalama kotoma abeit. Etitingikit amina iboro kere, iyuunit iboro kere, emuno iboro engirikit iboro kere.

Abu Yesu kotema ebe, “Ipedori oni ajenun ekristayot karaito na itolomununei ngesi.” Ijeni oni ebe kidau alomuni kotoma atwanare kiton ne kwana ejai aijar, naarai kimina iwok inacan. Edeke nges amina, ngol lo ejai toma amina ejai toma’Edeke. Araito nuka Emoyo eraasi: amina, aiyalama, ainapakina, atiting, aiyapaara, ajokis, aiyuun, aricit asianut; emamei ekisil lo etubokinio ngul lu ejaasi kede iboro lu. Epote ibor lu aitoduun cut arai irai ijo idiopet kalu adaun anyaraun ka aseun da, arai etakanete kesi aijar kon.

Mam kereka ijeni ebe lumam adolit kere mam epedorete adumun ajakaanut naka Edeke? Siri kingalangal akoni kuan, kere lu esiliaka, amaaka aputosia, idotea, etisilak awat kec kotunga icie, ikokolak, ngul luimielasi abara, amerak, enyangak amoromoronor, kede lu ikiete itiaisinei lumam ibecokina lukere mam edumunete ajakanut naka Edeke. Ebala Paulo ebe, mam edolit amodanakin bonik.

Kolimonok Akirot! (Ijo yen iyuunit) Iyatakite apakio kere, karaida mam itemonokina itejenu, iretaki, isiyalai, kede atiting ka eijiri kere loejok. Ebunit apak na mam bobo kesi ekototor atitingikin apupokin eijiri lokajokan konye epote itunga lu atupaar eimiel loka awate kec, epote da atukonokin esisianakinak kec bon, ejaunete da kede akii nu ipiyete, kosodi epote aimingar akii kec kotoma abeit, epupunete da awaragasia nu ingalaate. Karai isisianaki ediotuan akiro numam eraasi eijiri loka abeit, emamei alaun Edeke kamakeng erai da loepoga, mam ibore ejeni, ejaasi da kede aingiseta nuda eyangaunete atiakatiaka ka abuwonokin da naaronon. Emamei yen iswamai nuajokak, ememei, karaida idiopet; kwape ka amerekekin, kere awoliosi, ngol tunganan apaa orot ke bon, ido esibwok Edeke adiakar wok kere mama ejai ngesi (Yesu). Aponi ngesi kimusungai kanu adiakar wok. Aiticanio da nadolit tetere oni idumuni ainapakin, aponi kibirokinai mamakeng.

Ener eong nu ikamunitos aiyuun na eponi ijaikinai ikayuunak nada mam bobo ibelokin. Kiyuu ejakait Yesu lolo tetere kitajario ijo.

Elipi eong arai isirereng ijo Edeke.

Eong. Ekalimonokinan Eijiri (Rev. George Leon Pike Sr.)

This message is published for free distribution. For more copies, write, in English if possible, to the address below, stating how many you can wisely use.

ATE9915T • ATESO • THE FAITH

Alaunit Mama Ejai Edeke